ഉപതിരഞ്ഞെടുപ്പ്: മാറാക്കരയിൽ യുഡി‌എഫിന് വിജയം
മാറാക്കര ഗ്രാമപ്പഞ്ചായത്ത് ഭരണസമിതിയില്‍ ഒഴിവുവന്ന സീറ്റിലേക്ക് നടന്ന ഉപതിരഞ്ഞെടുപ്പില്‍ സീറ്റ് നിലനിര്‍ത്തി കോണ്‍ഗ്രസ് കരുത്ത് തെളിയിച്ചു. പതിനേഴാം വാര്‍ഡിലേക്ക് നടന്ന തിരഞ്ഞെടുപ്പില്‍ മാറാക്കര മണ്ഡലം യൂത്ത്‌കോണ്‍ഗ്രസ് വൈസ് പ്രസിഡന്റായ വി.പി .ബഷീറാണ് വിജയിച്ചത്. മുന്‍ പഞ്ചായത്തംഗവും എല്‍.ഡി.എഫ് സ്വതന്ത്ര സ്ഥാനാര്‍ഥിയുമായ അഡ്വ. ജാബിറിനെ 267 വോട്ടിന്റെ ഭൂരിപക്ഷത്തിനാണ് ബഷീര്‍ തോല്പിച്ചത്. ആകെ പോള്‍ ചെയ്ത 1133 വോട്ടില്‍ ബഷീറിന് 700 വോട്ടുകള്‍ ലഭിച്ചു.
പഞ്ചായത്ത് മെമ്പറായിരുന്ന വി. മധുസൂദനന്‍ മലബാര്‍ ദേവസ്വം ബോര്‍ഡ് മെമ്പറായതിനെ തുടര്‍ന്നാണ് ഇവിടെ പതിനേഴാം വാര്‍ഡില്‍ ഒഴിവുവന്നത്. ഇരുപതംഗ ഭരണസമിതിയില്‍ യു.ഡി.എഫിന് പതിനേഴും എല്‍.ഡി.എഫിന് മൂന്നും സീറ്റുകളാണുള്ളത്.
Summary: In panchayath bypoll UDF won at Marakkara
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
