വാഹനപരിശോധനക്കിടെ ഒമ്പത് ലക്ഷത്തിന്റെ കുഴല്‍പ്പണം പിടിച്ചു
ബൈക്കില്‍ കൊണ്ടുപോകുകയായിരുന്ന ഒമ്പത് ലക്ഷത്തിന്റെ കുഴല്‍പ്പണം വാഹനപരിശോധനക്കിടെ പിടികൂടി. കോഴിക്കോട് താമരശ്ശേരി കിഴക്കേക്കണ്ടി അബ്ദുള്‍നാസറില്‍ (38)നിന്നാണ് 9,92,100 രൂപയുടെ കുഴല്‍പ്പണം കണ്ടെടുത്തത്. ദേശീയപാതയിലെ പുത്തനത്താണിക്കും വെട്ടിച്ചിറയ്ക്കുമിടയില്‍
ബുധനാഴ്ച ഉച്ചയ്ക്ക് കാടാമ്പുഴ പോലീസ് വാഹനപരിശോധന നടത്തുമ്പോഴാണ് അബ്ദുള്‍ നാസര്‍ ബൈക്കില്‍ എത്തിയത്. വളാഞ്ചേരി മേഖലയില്‍ വിതരണം ചെയ്യാനുള്ളതാണ് പണം എന്നാണ് പ്രാഥമിക വിവരം. പണത്തിന്റെ ഉറവിടവും ആര്‍ക്കൊക്കെവിതരണം ചെയ്യാനുള്ളതാണെന്നും വ്യക്തമായിട്ടില്ലെന്ന് പോലീസ് പറഞ്ഞു. കാടാമ്പുഴ എസ്.ഐ ശിവദാസന്‍, അഡീഷണല്‍ എസ്.ഐ കെ.പി. വാസു എന്നിവരും സംഘവും അറസ്റ്റുചെയ്ത അബ്ദുള്‍ നാസറിനെ വ്യാഴാഴ്ച തിരൂര്‍ കോടതിയില്‍ ഹാജരാക്കും.
Summary: Black money worth INR 9 lakhs seized at Vettichira by Kadampuzha police.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
