ആരയിരം വിദ്യാർഥികൾക്ക് പഠനോപകരണങ്ങൾ വിതരണം ചെയ്ത് കാവുംപുറം ഓസ്കാർ സാംസ്കാരിക വേദി

വളാഞ്ചേരി: വളാഞ്ചേരി മുൻസിപ്പാലിറ്റി കക്കാട്ടുപാറ ഡിവിഷൻ കമ്മിറ്റിയും ഓസ്കാർ സാംസ്‌കാരിക വേദി കാവുംപുറം സംയുക്തമായി 1000 വിദ്യാർത്ഥികൾക്ക് പഠനോപകരണ വിതരണവും കക്കാട്ടുപാറ ഡിവിഷനിലെ എസ്.എസ്.എൽ.സി, പ്ലസ്ടു വിജയികളെ അനുമോദിക്കുകയും ചെയ്തു. ഉമ്മർ കല്ലിൽപറമ്പിൽ അധ്യക്ഷത വഹിച്ച ചടങ്ങിൽ നഗരസഭാ ചെയർപെഴ്സൺ ഷാഹിന ടീച്ചർ ഉദ്ഘാടനം ചെയ്തു. വി പി സക്കറിയ, കൗൺസിലർമാരായ ബുഷ്‌റ, കുഞ്ഞാവ, ചങ്ങപ്പള്ളി സുബൈദ, ഫിറോസ് ബാബു, നൗഷാദ്, ഹസ്സൻ കുട്ടി മണ്ണെക്കര, കെ.ആർ കോളേജ് പ്രിൻസിപ്പൽ അജയ് എന്നിവർ പങ്കെടുത്തു.

കുഞ്ഞാവ വാവാസ് സ്വാഗതവും അഖിൽ അഷ്‌റഫ്‌ നന്ദിയും രേഖപ്പെടുത്തി. മൂസക്കുട്ടി, ഷുഹൈബ് മണ്ണത്ത്, ഫൈസൽ മണ്ണെക്കര, സലീം ചട്ടുമുക്കിൽ, മൊയ്‌ദീൻ പാറക്കൽ, ജംഷീർ ഓണത്തുപാടൻ, സാബിത്ത്തങ്ങൾ എന്നിവർ പരിപാടിക്ക് നേതൃത്വം നൽകി.