എടരിക്കോട് ജീപും കാറും കൂട്ടിയിടിച്ചു; ഇരിമ്പിളിയം സ്വദേശികളടക്കം 13 പേർക്ക് പരിക്ക്

എടരിക്കോട്: എടരിക്കോട് ദേശീയപാത 66 -ൽ കാറും ജീപ്പും കൂട്ടിയിടിച്ചുണ്ടായ അപകടത്തിൽ 13 പേർക്ക് പരിക്കേറ്റു. ഇവരെ ചങ്കുവെട്ടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഞായറാഴ്ച ഉച്ചകഴിഞ്ഞ് 3.30-നായിരുന്നു അപകടം. വെണ്ടല്ലൂർ സ്വദേശികളായ ശിവശങ്കരൻ (62), ഗിരിജ (56), സുമതി (47), െെവലത്തൂർ സ്വദേശികളായ ഷാഹിദ (29), ഫാത്തിമ നിസ്‍ഫ (9), ബീവി (48), ഹംസ (57), സാനിബ (19), നൈഷാ ഫാത്തിമ (10 മാസം), ബീപ്പാത്തു (75), ഹനാൻ (ആറുമാസം), ഫിനാന (17), കുമ്പിടി സ്വദേശി ദേവയാനി (50) എന്നിവർക്കാണു പരിക്കേറ്റത്. അപകടത്തിൽപ്പെട്ട വാഹനത്തിൽനിന്ന് ഒഴുകിപ്പരന്ന ഓയിൽ തിരൂർ അഗ്നിരക്ഷാനിലയത്തിൽനിന്നെത്തിയ ഉദ്യോഗസ്ഥർ നീക്കി.