ഇരിമ്പിളിയം കോട്ടപ്പുറത്ത് പെരുംതേനീച്ചയുടെ കുത്തേറ്റ് ഇരുപതോളംപേർക്ക് പരിക്ക്

ഇരിമ്പിളിയം: തേനീച്ചയുടെ കുത്തേറ്റ് ഇരുപതോളംപേർക്ക് പരിക്ക്. കോട്ടപ്പുറം ജുമാമസ്ജിദ് ഖബർസ്ഥാൻ വളപ്പിലെ മരത്തിനുമുകളിലെ പെരുംതേനീച്ചക്കൂട് ഇളകിയതോടെ ഖബർ സിയാറത്തിന് വന്നവർക്കാണ് കുത്തേറ്റത്. ചെറിയ കുട്ടിയുൾെപ്പടെ പരിക്കേറ്റ എല്ലാവരും വളാഞ്ചേരിയിലെ സ്വകാര്യാശുപത്രിയിൽ ചികിത്സ തേടി.

പള്ളി ഭാരവാഹികൾ വിവരം അറിയിച്ചതിനെത്തുടർന്ന് കൈപ്പുറം അബ്ബാസ് സ്ഥലത്തെത്തി കൂട് നീക്കംചെയ്തു. രണ്ട് മാസംമുമ്പ് കുറ്റിപ്പുറം പള്ളിയിലും സിയാറത്തിനെത്തിയവരെ തേനീച്ചകൾ കുത്തിയിരുന്നു. തേനീച്ചയുടെ ആക്രമണത്തിൽ പരിക്കേറ്റ നിരവധി പേരിൽ ഒരാൾ മരിച്ചിരുന്നു.