കുറ്റിപ്പുറത്ത് വൻ കഞ്ചാവ് വേട്ട; 4 കിലോ കഞ്ചാവുമായി യുവാവ് പിടിയിൽ

കുറ്റിപ്പുറം: ഓട്ടോറിക്ഷയിൽ കടത്തുകയായിരുന്ന 4.340 കിലോ കഞ്ചാവുമായി ഒരാളെ കുറ്റിപ്പുറം എക്‌സൈസ് അറസ്റ്റ് ചെയ്തു. സ്ട്രൈക്കിങ് ഫോഴ്‌സ് ഡ്യൂട്ടിയുടെ ഭാഗമായി പട്ടർ നടക്കാവ് ഭാഗങ്ങളിൽ ഇന്നലെ രാത്രി നടത്തിയ പട്രോളിംഗിൽ കുണ്ടിലങ്ങാടി വെച്ച് പട്ടർനടക്കാവ് കുത്തുക്കല്ല് ദേശത്ത് വെളുത്തെടത്ത് പറമ്പിൽ ജാഫർ സാദിക്ക്(36)എന്നയാളെയാണ് കുറ്റിപ്പുറം റെയിഞ്ച് ഇൻസ്‌പെക്ടർ സാദിക്കും പാർട്ടിയും ചേർന്ന് അറസ്റ്റ് ചെയ്തത്.പ്രിവന്റീവ് ഓഫീസർ അജിത്കുമാർ, സിവിൽ എക്‌സൈസ് ഓഫീസർ ബാലു, വനിതാ സിവിൽ എക്‌സൈസ് ഓഫീസർ ശ്രീജ, ഡ്രൈവർ ഗണേശൻ എന്നിവർ റെയിഡിൽ പങ്കെടുത്തു. കഞ്ചാവ് കടത്താൻ ഉപയോഗിച്ച ഓട്ടോറിക്ഷ കസ്റ്റഡിയിൽ എടുത്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.കുറ്റിപ്പുറം റെയിഞ്ച് പരിധിയിലെ ലഹരി വില്പന സംബന്ധിച്ച വിവരങ്ങൾ 0494 2609350,9400069651 എന്നീ നമ്പറുകളിൽ അറിയിക്കാം.