ക്ഷേമനിധിയിൽനിന്നു കിട്ടിയ തുക ദുരിതാശ്വാസ നിധിയിലേക്ക് നൽകി 69-കാരി

എടയൂർ: ക്ഷേമനിധിയിൽനിന്നുകിട്ടിയ പെൻഷൻതുകയായ 10,000 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവനചെയ്ത് 69-കാരി. എടയൂർ കരേക്കാട് മനയ്ക്കൽപ്പടി ആൽപ്പറ്റ ലക്ഷ്മിയാണ് പെൻഷൻതുക നൽകിയത്. എടയൂർ ഗ്രാമപ്പഞ്ചായത്ത് ഓഫീസിൽ നേരിട്ടെത്തി ലക്ഷ്മി തുക ഗ്രാമപ്പഞ്ചായത്ത് പ്രസിഡന്റ് കെ.കെ. രാജീവിന് കൈമാറി. പ്രയാസങ്ങളേറെയുണ്ടെങ്കിലും മഹാമാരിക്കെതിരേ പോരാടുകയും ക്ഷേമപ്രവർത്തനങ്ങൾക്ക് മുൻഗണന നൽകുകയും ചെയ്യുന്ന സംസ്ഥാനസർക്കാരിന് കഴിയാവുന്ന സഹായം ചെയ്യുകയാണെന്നും ഇതിൽ സന്തോഷമുണ്ടെന്നും ലക്ഷ്മി പറഞ്ഞു.