പണം വെച്ച് ചീട്ടുകളി: അത്തിപ്പറ്റയിൽ ഒമ്പതുപേർ അറസ്റ്റിൽ

എടയൂർ: പണംവെച്ച് ചീട്ടുകളിച്ചതുമായി ബന്ധപ്പെട്ട് ഒമ്പതുപേരെ വളാഞ്ചേരി പോലീസ് പിടികൂടി. വെങ്ങാട് അത്തിപ്പറ്റ പഴയചന്ത മജ്‌ലിസ് റോഡിൽ വാക്കയിൽ കുഞ്ഞുട്ടിയുടെ സ്ഥലത്തുനിന്നാണ് വളാഞ്ചേരി ഇൻസ്‌പെക്ടർ എസ്.എച്ച്.ഒ ടി. മനോഹരന്റെ നേതൃത്വത്തിലുള്ള സംഘം പിടികൂടി അറസ്റ്റ്ചെയ്തത്.

പുറമണ്ണൂർ വടക്കേപ്പാട്ട് ഷംസുദ്ദീൻ (40), വെങ്ങാട് ചേറ്റുപാറ മേലേപറമ്പത്ത് ഷാജി (38), വെങ്ങാട് മേലേപറമ്പത്ത് സുനിൽ (35), കുളമംഗലം പാണത്തൊടി മുഹമ്മദ് (52), വെങ്ങാട് പറയൻപള്ളത്ത് ഹംസ (55), എടയൂർ പീടികപ്പടി കുന്താണിക്കൽ അഷറഫ് (34), വെങ്ങാട് മൂത്തേടത്ത് അഫ്‌സൽ (34), എടയൂർ പീടീകപ്പടി ചക്കുംപുരക്കൽ സൈനുദ്ദീൻ (38), വെങ്ങാട് പണിക്കപ്പറമ്പിൽ മുഹമ്മദലി (40) എന്നിവരാണ് അറസ്റ്റിലായത്. ഇവരിൽനിന്ന് 26,425 രൂപയും പിടിച്ചെടുത്തു. പോലീസ് സംഘത്തിൽ എ.എസ്.ഐ വി.ആർ. സത്യൻ, എസ്.സി.പി.ഒ എം. ജെറിഷ്, സി.പി.ഒമാരായ കെ.പി. രമേഷ്, എ. മനോജ്, പി. പ്രദീപ്, ജോൺസൺ, സോമൻ എന്നിവരുമുണ്ടായിരുന്നു.