നടുറോഡിൽ ഭാര്യയെ കുത്തി വീഴ്ത്തിയ ഭർത്താവ് പിടിയിൽ
തിരൂർ : കോലുപ്പാലത്തിനടുത്ത് മുസ്ല്യാരങ്ങാടിയിൽ ബസ്റ്റോപ്പിൽ ഭർത്താവ് കുട്ടികളുടെ മുന്നിലിട്ട് ഭാര്യയെ കുത്തി വീഴ്ത്തി. കത്തിയുമായി ഭീകരാവസ്ഥ സൃഷ്ടിച്ച ഇയാളെ നാട്ടുകാർ പിടികൂടി പോലീസിലേൽപ്പിച്ചു. പൊയ്ലിശ്ശേരി തെരുളിപ്പറമ്പിൽ സിദ്ദീഖ് (35) ആണ് പിടിയിലായത്. ഗുരുതരമായി പരിക്കേറ്റ ഭാര്യ താജുന്നീസ (28)യെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
നേരത്തെ ഗൾഫിലായിരുന്ന സിദ്ദീഖ് സംശയ രോഗത്തിലും, മദ്യലഹരിയിലും ഭാര്യയെ അക്രമിക്കുകയായിരുന്നുവെന്ന് തിരൂർ എസ്.ഐ. സുമേഷ് സുധാകർ പറഞ്ഞു. മൂന്ന് മക്കളുള്ള ഇവർ വേർപിരിഞ്ഞു കഴിയുകയായിരുന്നു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
