രാജ്യത്തിന്റെ എഴുപതാം റിപബ്ലിക്ക് ദിനം; വളാഞ്ചേരിയിൽ വിപുലമായി ആഘോഷിച്ചു

വളാഞ്ചേരി: വളാഞ്ചേരി നഗരസഭ എഴുപതാം റിപബ്ലിക്ക് ദിനാഘോഷം വിപുലമായി സംഘടിപ്പിച്ചു. പരിപാടിയിൽ നഗരസഭ ചെയർപേഴ്‌സൺ സി.കെ.റുഫീന പതാകഉയർത്തി ഉദ്ഘാടനം നടത്തി. സി. ഷെഫീന (ചെയർമാൻ വിദ്യഭ്യാസകലാ-കായികസ്റ്റാന്റിംഗ് കമ്മിറ്റി) സ്വാഗതവും, കെ.വി. ഉണ്ണികൃഷ്ണൻ (വൈസ് ചെയർമാൻ, വളാഞ്ചേരി നഗരസഭ) അദ്ധ്യക്ഷതയും വഹിച്ച ചടങ്ങിൽ നഗരസഭ സെക്രട്ടറി എ.ഫൈസൽ മുഖ്യപ്രഭാഷണം നടത്തി.

സ്റ്റാന്റിംഗ് കമ്മിറ്റി ചെയർമാൻമാരായ സി.അബ്ദുന്നാസർ (മരാമത്ത്കാര്യ സ്റ്റാന്റിംഗ് കമ്മിറ്റി), സി രാമകൃഷ്ണൻ (ക്ഷേമകാര്യസ്റ്റാന്റിംഗ് കമ്മിറ്റി), മൈമൂന (വികസനകാര്യസ്റ്റാന്റിംഗ് കമ്മിറ്റി) കൗസിലർമാരായ ടി.പി അബ്ദുൽ ഗഫൂർ, മൂർക്കത്ത് മുസ്തഫ എന്നിവരും ആശംസകൾ നേർന്നു. പരിപാടിയിൽ അനിൽകുമാർ കൃതജ്ഞത രേഖപ്പെടുത്തി.