എടപ്പാളിൽ പേഴ്‌സ് കവർന്ന സ്‌ത്രീയെ യുവതി പിന്തുടർന്ന് പിടികൂടി
എടപ്പാൾ: ബസ് യാത്രയ്ക്കിടെ ബാഗിൽനിന്ന് പേഴ്‌സെടുത്ത് രക്ഷപ്പെടാൻ ശ്രമിച്ച ഇതരസംസ്ഥാനക്കാരിയെ യുവതി പിന്തുടർന്ന് പിടികൂടി. ശനിയാഴ്ച രണ്ടുമണിയോടെ കുറ്റിപ്പുറം റോഡിലാണ് സംഭവം. കാടാമ്പുഴ സ്വദേശിയായ യുവതി എടപ്പാളിൽ ബസിറങ്ങി ബാഗ്‌ എടുത്തപ്പോഴാണ് പേഴ്‌സ് നഷ്ടപ്പെട്ടതായി അറിയുന്നത്.
ഉടൻതന്നെ ബസ് ജീവനക്കാരോട് വിവരം പറഞ്ഞു. സംശയാസ്പദമായ രീതിയിൽ ബസിൽനിന്ന് ചാടിയിറങ്ങി മുന്നിലെ കെ.എസ്.ആർ.ടി.സി. ബസിൽ കയറിയ തമിഴ്‌നാട് സ്വദേശിനിയെ ഇവർ കാണിച്ചു കൊടുത്തതനുസരിച്ച് യുവതിയും പിറകെ കയറി.
കെ.എസ്.ആർ.ടി.സി. ബസിൽവച്ച് തന്റെ പേഴ്‌സ് പരിശോധിക്കുന്നത് യുവതി കൈയോടെ പിടികൂടുകയും ബസുകാരുടെ സഹായത്തോടെ ഇവരെ ചങ്ങരംകുളം പോലീസിൽ ഏൽപ്പിക്കുകയുംചെയ്തു. 17000 രൂപയും പേഴ്‌സും തിരിച്ചുലഭിച്ച യുവതി പരാതിനൽകാതെ പോയതോടെ ഇതരസംസ്ഥാനക്കാരിയെ പോലീസ് വെറുതെ വിട്ടു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
