പറമ്പത്തുകാവ് നാട്ടുതാലപ്പൊലി ഞായറാഴ്ച
വളാഞ്ചേരി: വെണ്ടല്ലൂർ പറമ്പത്തുകാവ് ഭഗവതീക്ഷേത്രത്തിലെ കളംപാട്ടുത്സവത്തിന്റെ സമാപനം നാട്ടുതാലപ്പൊലിയോടെ ഞായറാഴ്ച ആഘോഷിക്കും. രാവിലെ ഭഗവതീക്ഷേത്രത്തിലും വിഷ്ണുക്ഷേത്രത്തിലും വിശേഷാൽ പൂജകളുണ്ടാവും. ഉച്ചയ്ക്ക് വിഷ്ണുക്ഷേത്രപരിസരത്ത് പ്രസാദഊട്ട് നടക്കും. വൈകുന്നേരം ദീപാരാധനയ്ക്കുശേഷം തിരൂർ നാദം ഭക്തിഗാനസുധ അവതരിപ്പിക്കും. രാത്രി പത്തിന് മേളത്തോടുകൂടി എഴുന്നള്ളിപ്പുമുണ്ടാവും.
പ്രസാദ ഊട്ടിനാവശ്യമായ ഉത്‌പന്നങ്ങൾ ശേഖരിക്കുന്ന കലവറ നിറയ്ക്കൽ വെള്ളിയാഴ്ച രാവിലെ ഏഴിനാരംഭിക്കും. മാർച്ച് 18-ന് തുടങ്ങിയ കളംപാട്ടിന്റെ സമാപനമാണ് 41-ാംദിവസം നാട്ടുതാലപ്പൊലിയായി ആഘോഷിക്കുന്നത്‌.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
