തൃശൂരിൽ ടാങ്കർ ലോറിയും ഓട്ടോറിക്ഷയും കൂട്ടിയിടിച്ചു രണ്ട് തിരൂർ സ്വദേശികൾ മരിച്ചു
തൃശൂർ ∙ മുണ്ടൂർ പുറ്റേക്കരയിൽ ടാങ്കർ ലോറിയും ഓട്ടോറിക്ഷയും കൂട്ടിയിടിച്ചു രണ്ടുപേർ മരിച്ചു. ഓട്ടോയിൽ ഇടിച്ചശേഷം ടാങ്കർ ദിശതെ‌റ്റി സമീപത്തെ മതിലിലേക്ക് ഇടിച്ചുകയറി. പെട്രോളിയം സിലിണ്ടറിനു മതിലിൽ ഇടിച്ചു കേടുപാടുപറ്റി.
ടാങ്കർ കാലിയായിരുന്നതിനാൽ വൻ ദുരന്തം ഒഴിവായി. പിന്നാലെ അഗ്നിശമനസേനയും സ്ഥലത്തു പാഞ്ഞെത്തി. ഓട്ടോയാത്രക്കാരായ മലപ്പുറം തിരൂർ ഒ‌ഴൂർ പൈക്കാട്ട് മണിയുട ഭാര്യ രുഗ്മിണി (47) മണിയുടെ സഹോദരൻ രവീന്ദ്രന്റെ മകൻ അലൻ കൃഷ്ണ (ആറ്) എന്നിവരാണു മരിച്ചത്. മൊത്തം ഏഴു പേർക്കാണു പരുക്കേറ്റത്. ഒരാളുടെ നില ഗുരുതരം.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
