വളാഞ്ചേരിയിൽ 4 പേർക്ക് തെരുവുനായ്ക്കളുടെ കടിയേറ്റു

വളാഞ്ചേരി ∙ നഗരസഭയുടെ വിവിധ ഭാഗങ്ങളിൽ തെരുവുനായ്ക്കളുടെ വിളയാട്ടം. 4 പേർക്കു കടിയേറ്റു. ഇവർ ജില്ലാ ആശുപത്രിയിൽ ചികിത്സ തേടി.മൂച്ചിക്കൽ, ദ്വീപ് മേഖലകളിൽ കഴിഞ്ഞ ദിവസമാണ് നായ്ക്കൾ ഓടി നടന്ന് നാട്ടുകാരെ കടിച്ചത്.

തെരുവുനായ്ക്കളുടെ വിളയാട്ടം മൂലം ജനത്തിനു പുറത്തിറങ്ങി നടക്കാനാവാത്ത സ്ഥിതിയാണ്. നഗരസഭയുടെ ഇടപെടൽ ഉണ്ടാകണമെന്ന് ദ്വീപ് മേഖലാ മുസ്‌ലിം ലീഗ് കമ്മിറ്റി ആവശ്യപ്പെട്ടു. ജാഫർ നീറ്റുകാട്ടിൽ ആധ്യക്ഷ്യം വഹിച്ചു.