നൊട്ടനാലുക്കൽ ക്ഷേത്രത്തിൽ നവരാത്രി സംഗീതോത്സവം തുടങ്ങി

കുറ്റിപ്പുറം: നൊട്ടനാലുക്കൽ ക്ഷേത്രാങ്കണത്തിൽ സപര്യ നവരാത്രി സംഗീതോത്സവത്തിന് തുടക്കമായി. സ്റ്റാർ സിങ്ങർ ഫെയിം തുഷാർ ഉദ്ഘാടനംചെയ്തു. എസ്.വി. മണികണ്ഠൻ, എം.എൻ. സജി എന്നിവർ പ്രസംഗിച്ചു. ‌‌തുടർന്ന് തുഷാർ സംഗീതക്കച്ചേരി അവതരിപ്പിച്ചു. കോടമ്പള്ളി ഗോപകുമാർ, കലാമണ്ഡലം ഷൈജു, ഏലംകുളം ദീപു എന്നിവർ പക്കമേളമൊരുക്കി.

തിങ്കളാഴ്ച എൻ.ബി.എസ്.എസ്. വിദ്യാർഥികളുടെ ഭക്തിഗാനമേളയുണ്ടായി. ചൊവ്വാഴ്ച രാത്രി ഏഴിന് സി.കെ. ഹരികൃഷ്ണനും കെ.എം. പ്രണവും രാമായണം തത്ത്വവിചാരം അവതരിപ്പിക്കും.