വളാഞ്ചേരി നഗരസഭയിൽ വയോജന ദിനാചരണവും മെഡിക്കല്‍ ക്യാമ്പും സംഘടിപ്പിച്ചു
വളാഞ്ചേരി: ലോക വയോജന ദിനത്തോടനുബന്ധിച്ച് വളാഞ്ചേരി നഗരസഭയും കുടുബശ്രീയും സംയുക്തമായി വയോജന അയൽക്കൂട്ട സംഗമവും മെഡിക്കല്‍ ക്യാമ്പും സംഘടിപ്പിച്ചു.വയോജന അയൽക്കൂട്ട സംഗമവും മെഡിക്കല്‍ ക്യാമ്പും കണ്ണട വിതരണവും നഗരസഭ ചെയർപേഴ്സണ്‍ സി.കെ റുഫീന ഉദ്ഘാടനം ചെയ്തു.
ക്ഷേമകാര്യ സ്റ്റാന്റിംങ് കമ്മിറ്റി ചെയർപേഴ്സണ്‍ രാമകൃഷ്ണന്‍ അദ്ധ്യക്ഷത വഹിച്ച യോഗത്തില്‍ വൈസ് ചെയർമാൻ കെ. എം ഉണ്ണികൃഷ്ണന്‍ സ്വാഗതം ആശംസിച്ചു. സ്റ്റാന്റിഗ് കമ്മിറ്റി ചെയർമാൻമാരായ സി.കെ അബ്ദുന്നാസര്‍, മൈമൂന, ശ്രീമതി. ഫാത്തിമകുട്ടി, ചെങ്കുണ്ടന്‍ ഷെഫീന, കൗണ്സി്ലർമാരായ ഷിഹാബുദ്ദീന്‍, ടി. പി. രഘുനാഥന്‍, അച്ചുതന്‍, നഗരസഭ സെക്രട്ടറി എസ്. സുനിൽ കുമാര്‍, അഷറഫ് അമ്പലത്തിങ്ങല്‍, സലാം വളാഞ്ചേരി, പറശ്ശേരി അസൈനാര്‍, എന്നിവര്‍ സംസാരിച്ചു. സി.ഡി.എസ് ചെയർപേഴ്സണ്‍ സുനിത രമേഷ് നന്ദി രേഖപ്പെടുത്തി.
മെഡിക്കല്‍ ക്യാമ്പ് അലോപതി, ഹോമിയോ, ആയുർവേദം, സിദ്ധ, വയോമിത്രം എന്നീ വകുപ്പുകളിലെ ഡോക്ടർമാരും ജീവനക്കാരും നേതൃത്വം നൽകി. ക്യാമ്പിൽ 250-ല്‍ പരം വയോജനങ്ങളും കുടുംബശ്രീ അംഗങ്ങളും പങ്കെടുത്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
