അനധികൃതമായി ചുവന്ന മണ്ണ് കടത്തിലേര്‍പ്പെട്ട ലോറികൾ പോലീസ് പിടികൂടി
വളാഞ്ചേരി: പാസോ മറ്റു രേഖകളോ ഇല്ലാതെ അനധികൃതമായി ചുവന്ന മണ്ണ് കടത്തിലേര്‍പ്പെട്ട ലോറികളാണ് വളാഞ്ചേരി പോലീസ് പിടികൂടിയത്. വളാഞ്ചേരി ഇന്‍സ്‌പെക്ടര്‍ എസ് എച്ച് ഒ ടി മനോഹരന്റെ നേതൃത്വത്തിലുള്ള സംഘമാണ് ലോറികള്‍ ജിയോളജി വകുപ്പിന് റിപ്പോര്‍ട്ട് നല്‍കിയത്. കാര്‍ത്തല ചുങ്കം ഭാഗത്ത് രാത്രികാലങ്ങളില്‍ അനധികൃതമായി കുന്നിടിച്ച് ചുമന്ന മണ്ണ് അമിതലാഭത്തിന് വില്‍പ്പനക്കായി കടത്തുന്നുവെന്ന നാട്ടുകാരുടെ പരാതിയെ തുടര്‍ന്നാണ് നടപടി. ചമ്രവട്ടം ഇടികപ്പറമ്പില്‍ പാലക്കല്‍ ഉമര്‍ഷാദ്, തിരൂര്‍ വലിയപീടിയേക്കല്‍ ഷാഹിദ്, അതളൂര്‍ ഇല്ലിപ്പാടത്ത് ബാബു എന്നിവര്‍ക്കെതിരെ നടപടിക്കായി ജിയോളജി വകുപ്പിന് റിപ്പോര്‍ട്ട് കൈമാറി. എസ് സിപിഒ അബ്ദുറഹ്മാന്‍, സിപിഒ ജയകൃഷ്ണന്‍ പി എന്നിവരും സംഘത്തിലുണ്ടായിരുന്നു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
