പോലീസിന്റെ നേതൃത്വത്തിൽ വളാഞ്ചേരിയിൽ വയോജന ശില്പശാല നടത്തി

വളാഞ്ചേരി: വയോജന സുരക്ഷാപദ്ധതിയുടെ ഭാഗമായി പോലീസിന്റെ നേതൃത്വത്തിൽ വയോജനങ്ങൾക്കായി ഏകദിന ശില്പശാല നടത്തി. നഗരസഭാധ്യക്ഷ സി.കെ. റുഫീന ഉദ്ഘാടനംചെയ്തു. എസ്.എച്ച്.ഒ. ടി. മനോഹരൻ അധ്യക്ഷതവഹിച്ചു. ഐ.എം.എ. വളാഞ്ചേരി യൂണിറ്റ് പ്രസിഡന്റ് ഡോ. എൻ. മുഹമ്മദാലി ബോധവത്കരണക്ലാസിനും മെഡിക്കൽക്യാമ്പിനും നേതൃത്വംനൽകി. എസ്.ഐമാരായ കെ.ആർ. രഞ്ജിത്ത്, ടി. ഗോപാലൻ, എ.എസ്.ഐ. നസീർ തിരൂർക്കാട്, നഗരസഭാംഗങ്ങളായ സി. രാമകൃഷ്ണൻ, ടി.പി. അബ്ദുൾഗഫൂർ, ഷാഹുൽഹമീദ്, പി.വി.ആർ.കെ. നായർ, വി.പി.എം. സാലിഹ്, ടി.എം. പദ്മകുമാർ, സൈതാലിക്കുട്ടി തുടങ്ങിയവർ പ്രസംഗിച്ചു.