ദേശീയ പണിമുടക്ക്; ജില്ലയിൽ പൂർണ്ണം

വളാഞ്ചേരി: കേന്ദ്ര സർക്കാർ നയങ്ങൾക്കെതിയാരി വിവിധ തൊഴിലാളി സംഘടനകൾ ആഹ്വാനം ചെയ്ത ദേശീയ പണിമുടക്ക് ജില്ലയിൽ പൂർണം. ഒരു വിഭാഗം വ്യാപാരി സംഘടന പങ്കെടുക്കില്ലെന്ന് അറിയിച്ചെങ്കിലും ജില്ലയിലെ ഒരു ടൌണിലും വ്യാപാര സ്ഥാപനങ്ങൾ തുറന്നില്ല. ബസുകളും ഓട്ടോറിക്ഷകളും സർവീസ് നടത്തുന്നില്ല. ദേശീയപാതകളിൽ വിവിധയിടങ്ങളിൽ സമരാനുകൂലികൾ ചരക്കു വാഹനങ്ങൾ തടയുന്നത് ദൃശ്യമാണ്. മിക്ക സർക്കാർ എയ്ഡഡ് സ്കൂളുകളും കോളേജുകളും അധ്യാപകർ സമരത്തിൽ പങ്കെടുക്കുന്നതിനാൽ ഉള്ള ജോലിക്കെത്തിയ അധ്യാപകരെ വച്ചാണ് ഇന്ന് അധ്യയനം നടക്കുന്നത്.സ്കൂളുകൾക്കും കോളേജുകൾക്കും അവധി നൽകിയിട്ടില്ല. മദ്രസകൾക്ക് ഇന്ന് പ്രവർത്തി ദിനമായിരുന്നെങ്കിലും ഇന്ന് നടക്കേണ്ട മദ്രസ പരീക്ഷകൾ മാറ്റിവച്ചിരുന്നു.