എടയൂർ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ വില്ലേജ് ഓഫീസ് മാർച്ച് നടത്തി

ഏടയൂർ: സംസ്ഥാന സർക്കാർ ഭൂനികുതിയടക്കമുള്ള പ്രത്യക്ഷനികുതികൾ വർധിപ്പിക്കുന്നത് കൊലക്കേസുകളിൽപ്പെട്ട പ്രതികൾക്കുവേണ്ടിയാണെന്ന് ഡി.സി.സി. ജനറൽ സെക്രട്ടറി പി.സി.എ. നൂർ അഭിപ്രായപ്പെട്ടു. സംസ്ഥാന ബജറ്റിലെ നികുതി ഭീകരതയ്ക്കും രൂക്ഷമായ വിലക്കയറ്റത്തിനുമെതിരേ എടയൂർ മണ്ഡലം കോൺഗ്രസ് കമ്മിറ്റി സംഘടിപ്പിച്ച വില്ലേജ് ഓഫീസ് ഉപരോധം ഉദ്ഘാടനം ചെയ്യുകയായിരുന്നു അദ്ദേഹം.

കല്ലിങ്ങൽ മുഹമ്മദ്കുട്ടി അധ്യക്ഷതവഹിച്ചു. ഡി.സി.സി. സെക്രട്ടറി സി.പി. ഉമ്മർ ഗുരുക്കൾ, അഡ്വ. മുജീബ് കുളക്കാട്, ഷഹനാസ് പാലക്കൽ, വിനു പുല്ലാനൂർ, എം.ടി. അബ്ദുൾ അസീസ്, കെ.പി. വേലായുധൻ, കെ.കെ. മോഹനകൃഷ്ണൻ, പി.ടി. സുധാകരൻ തുടങ്ങിയവർ പ്രസംഗിച്ചു.