നാല് കമ്മ്യൂണിറ്റി കിച്ചണുകളിലേക്ക് പച്ചക്കറികൾ കൈമാറി കേരളാ വ്യാപാരി വ്യവസായി സമിതി വളാഞ്ചേരി ഏരിയാ കമ്മറ്റി

വളാഞ്ചേരി: കേരളാ വ്യാപാരി വ്യവസായി സമിതി വളാഞ്ചേരി ഏരിയാ കമ്മറ്റിയുടെ നേതൃത്വത്തിൽ ഏരിയയിലെ നാല് കമ്മ്യുണിറ്റി കിച്ചണിലേക്ക് ആവശ്യമായ പച്ചക്കറി നൽകി. വളാഞ്ചേരി, കുറ്റിപ്പുറം, ആതവനാട്, വളവന്നൂർ എന്നീ പഞ്ചായത്തുകളിലെ കിച്ചണുകൾക്കാണ് പച്ചക്കറി നൽകിയത്. സമിതി ഏരിയാ സെക്രട്ടറി സി അബ്ദുൾകരീം, ജില്ലാ കമ്മിറ്റി അംഗം സദാനന്ദൻ കൊട്ടീരി, ഏരിയാ കമ്മിറ്റി അംഗങ്ങളായ എ.കെ റഷീദ്, കുഞ്ഞാപ്പു, ജയപ്രകാശ്, താഹിർ, ശശി വാരിയത്ത്, എൻ മുഹമ്മദലി എന്നിവർ പങ്കെടുത്തു. വളാഞ്ചേരി മുൻസിപ്പൽ സെക്രട്ടറി സുനിൽകുമാർ അനിൽ, ആതവനാട് സി.ഡി.എസ് ചെയർപേഴ്സൺ സുജാത, കുറ്റിപ്പുറം സി.ഡി.എസ് ചെയർപേഴ്സൺ ബിന്ദു, വളവന്നൂർ സി.ഡി.എസ് ചെയർപേർസൺ ഫൗസിയ എന്നിവർ ഏറ്റുവാങ്ങി.