പുറമണ്ണൂർ മജ്‌ലിസ് കോളേജിന് പുതിയ മൊബൈൽ ആപ്പ്
എടയൂർ: പുറമണ്ണൂർ മജ്‌ലിസ് ആർട്‌സ് ആൻഡ് സയൻസ് കോളേജിന്റെ പുതിയ മൊബൈൽ ആപ്ലിക്കേഷനായ ‘മജ്‌ലിസ് ആപ്പ്’ നിലവിൽ വന്നു. ജില്ലാ പഞ്ചായത്ത് പ്രസിഡന്റ് എ.പി. ഉണ്ണിക്കൃഷ്ണൻ ഉദ്ഘാടനംചെയ്തു. വിദ്യാർഥികൾക്കാവശ്യമായ പഠനോപകരണങ്ങൾ, പ്രവേശനസംബന്ധമായ വിവരങ്ങൾ, വീഡിയോ ക്ലാസുകൾ, സർവകലാശാലയുമായി ബന്ധപ്പെട്ട വിവരങ്ങൾ, ലിങ്കുകൾ തുടങ്ങിയവ ആപ്പിൽ ലഭിക്കും. കോളേജിലെ കമ്പ്യൂട്ടർ സയൻസ് വിഭാഗം വിദ്യാർഥികളും അധ്യാപകരുംചേർന്നാണ് വികസിപ്പിച്ചത്.
മജ്‌ലിസ് പ്രസിഡന്റ് കെ.എസ്.എ. തങ്ങൾ അധ്യക്ഷത വഹിച്ചു. പ്രിൻസിപ്പൽ ഡോ. പി. മുഹമ്മദാലി, സെക്രട്ടറി സി.പി. ഹംസഹാജി, വൈസ് പ്രസിഡന്റ് കെ.കെ.എച്ച്. തങ്ങൾ, മാനു ഹാജി, ഡോ. സഫീർ, പ്രൊഫ. ടി. സൂപ്പി, അബ്ദുൾലത്തീഫ്, സലീം കുരുവമ്പലം, കാനു പ്രസാദ് എന്നിവർ പങ്കെടുത്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
