മാറാക്കര പി.എച്ച്.സി. കുടുംബാരോഗ്യകേന്ദ്രമായി ഉയർത്തുന്നു
മാറാക്കര: മാറാക്കര പ്രാഥമികാരോഗ്യകേന്ദ്രം കുടുംബാരോഗ്യകേന്ദ്രമായി ഉയർത്തുന്നു. ചടങ്ങിന്റെ ഉദ്ഘാടനം തിങ്കളാഴ്ച പത്തരയ്ക്ക് മുഖ്യമന്ത്രി പിണറായി വിജയൻ ഓൺലൈൻവഴി നിർവഹിക്കും.ആരോഗ്യമന്ത്രി കെ.കെ. ശൈലജ അധ്യക്ഷതവഹിക്കും. ആബിദ് ഹുസൈൻ തങ്ങൾ എം.എൽ.എ. മുഖ്യാതിഥിയാകും. ഗ്രാമപ്പഞ്ചായത്ത് പ്രസിഡന്റ് വി. മധുസൂദനൻ പങ്കെടുക്കും.
1972-ലാണ് മാറാക്കരയിൽ ആദ്യമായി സർക്കാർ ഡിസ്പെൻസറി പ്രവർത്തനമാരംഭിച്ചത്. തുടർന്ന് 1982-ൽ അന്നത്തെ പഞ്ചായത്ത് പ്രസിഡന്റ് പി. കഷ്ണൻനായരുടെ നേതൃത്വത്തിലുള്ള ജനകീയകമ്മിറ്റി മുൻകൈയെടുത്ത് തെക്കഞ്ചേരി ബാലകൃഷ്ണനുണ്ണി നൽകിയ രണ്ട് ഏക്കറിൽ സ്ഥാപിച്ച പി.എച്ച്.സിയാണ് ഇപ്പോൾ ആധുനികസൗകര്യങ്ങളോടെ കുടുംബാരോഗ്യകേന്ദ്രമായി ഉയർത്തുന്നത്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
