വളാഞ്ചേരി മുനിസിപ്പാലിറ്റിയിൽ ഒരു കുടുംബത്തിലെ ഏഴുപേരുൾപ്പെടെ പത്തുപേർക്ക് കോവിഡ് സ്ഥിരീകരിച്ചു

വളാഞ്ചേരി : വളാഞ്ചേരി മുനിസിപ്പാലിറ്റിയിൽ ഒരു കുടുംബത്തിലെ ഏഴുപേരുൾപ്പെടെ പത്തുപേർക്ക് വെള്ളിയാഴ്ച കോവിഡ് സ്ഥിരീകരിച്ചു. 27-ാം ഡിവിഷനിലാണ് ഒരു കുടുംബത്തിലെ ഏഴുപേർക്ക് കോവിഡ് പോസിറ്റീവാണെന്ന് സ്ഥിരീകരിച്ചത്. 29-ാം ഡിവിഷനിൽ രണ്ടും പതിനൊന്നാം ഡിവിഷനിൽ ഒരാൾക്കും പരിശോധനാഫലം പോസിറ്റീവാണ്. ആരോഗ്യവകുപ്പ് വെള്ളിയാഴ്ച പുറത്തുവിട്ട കണക്കുപ്രകാരം വളാഞ്ചേരിയിൽ ഇതുവരെ തൊണ്ണൂറ്റിയേഴ് പേർക്കാണ് കോവിഡ് പോസിറ്റീവ് സ്ഥിരീകരിച്ചത്. ഇതിൽ അമ്പത്തിനാലുപേർ രോഗമുക്തരായി. നാല്പത്തിരണ്ട് പേർ ചികിത്സയിലാണ്. മുപ്പത് പേരുടെ ആർ.ടി.പി.സി.ആർ. പരിശോധനാഫലം ലഭിക്കാനുണ്ട്.