വളാഞ്ചേരീസ് കൂട്ടായ്മ നിർമ്മിക്കുന്ന രണ്ടാമത്തെ വീടിന് കട്ടില വച്ചു

ഇരിമ്പിളിയം: വളാഞ്ചേരിയിലെ വാട്സാപ് കൂട്ടായ്മയായ വളാഞ്ചേരീസ് നിർമ്മിക്കുന്ന രണ്ടാമത്തെ വീടിന് കട്ടില വച്ചു. ഇരിമ്പിളിയം ഗ്രാമപഞ്ചായത്തിലെ വലിയകുന്നിലാണ് വീട് വയ്ക്കുന്നത്.വീട് നിർമ്മിക്കാൻ ആവശ്യമായ സ്ഥലം സൗജന്യമായി നൽകിയത് ആക്റ്റ് ഓൺ എന്ന സംഘടന ആണ്. വളാഞ്ചേരിയിൽ താമസിക്കുന്ന വിധവകളായ രണ്ട് സഹോദരിമാർക്ക് വേണ്ടിയാണ് ഈ വീട്. കട്ടില വെക്കൽ കർമ്മത്തിൽ വിപിഎം സാലിഹ്, ഹബീബ് പറമ്പയിൽ, സുരേഷ് ബാബു മലയത്ത്, ഷാജഹാൻ താജ്, ബിജു (കൊണ്ട്രാക്ടർ), ഫാത്തിമ നൂറ പറമ്പയിൽ എന്നിവർ സംബന്ധിച്ചു.