കേരള ഗ്രന്ഥശാലാ സംഘം മൂർക്കനാട് പഞ്ചായത്തുതല വായനമത്സരവും ചിത്രപ്രദർശനവും നടന്നു

മൂർക്കനാട്: കേരള ഗ്രന്ഥശാലാ സംഘം മൂർക്കനാട് പഞ്ചായത്തുതല വായനമത്സരവും ചിത്രപ്രദർശനവും പ്രസിഡന്റ് സി.പി. രശ്മി ഉദ്ഘാടനംചെയ്തു. യുവജനസംഘം വായനശാല പ്രസിഡന്റ് പി. രവീന്ദ്രൻ അധ്യക്ഷതവഹിച്ചു. സെബിന ഉമ്മർ, ദിവ്യ ബിജേഷ് എന്നിവരുടെ ചിത്രപ്രദർശനവും നടന്നു.

പഞ്ചായത്ത് വൈസ് പ്രസിഡന്റ് മുനീർ, ബ്ലോക്ക് അംഗം റഹ്മത്തുന്നിസ്സ, വാർഡംഗങ്ങളായ ദീപ, ശ്രീകല മദനൻ, മണിലാൽ എന്നിവർ പ്രസംഗിച്ചു. താലൂക്ക് വായനമത്സരത്തിലേക്ക് കെ.പി. ആബിദ, റസീന, കെ.കെ. അശ്വതി എന്നിവരെ തിരഞ്ഞെടുത്തു .