പട്ടർനടക്കാവിൽ ഗുഡ്സ് ഓട്ടോയും ടിപ്പർ ലോറിയും കൂട്ടിയിടിച്ച് മറിഞ്ഞ് ഒരു മരണം
തിരുനാവായ: തിരുനാവായക്കടുത്ത് പട്ടർനടക്കാവിൽ ഗുഡ്സ് ഓട്ടോയും ടിപ്പർ ലോറിയും കൂട്ടിയിടിച്ച് മറിഞ്ഞതിനെ തുടര്‍ന്നുണ്ടായ അപകത്തില്‍ ഒരാള്‍ മരിച്ചു. കാവിലക്കാട് പുറത്തൂര്‍ സ്വദേശി ആച്ചാംകളത്തില്‍ മൊയ്തീന്‍ബാവയുടെ മകന്‍ നൗഫല്‍ (36) ആണ് മരിച്ചത്. അപകടത്തില്‍പ്പെട്ട ഗൂഡ്‌സ് ഓട്ടോയിലെ ഡ്രൈവറായിരുന്നു മരിച്ച നൗഫല്‍.
പട്ടര്‍നടക്കാവ് ഇഖ്ബാല്‍ നഗറില്‍ ഇന്ന് പുലര്‍ച്ചെ ആറരയോടെയാണ് അപകടമുണ്ടായത്. പച്ചക്കറിയുമായി പോവുകയായിരുന്ന ഗൂഡ്‌സ് ഓട്ടോ ടിപ്പര്‍ലോറിയുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ ഇരു വാഹനങ്ങളും മറിഞ്ഞു. കല്‍പ്പകഞ്ചേരി പൊലിസ് സ്ഥലത്തെത്തി മൃതദേഹം തിരൂര്‍ ജില്ലാ ആശുപത്രിയിലേക്ക് മാറ്റി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
