1000 രൂപയുടെ നിരോധിതനോട്ടുകളുമായി തമിഴ്‌നാട് സ്വദേശി പിടിയിൽ
പരപ്പനങ്ങാടി : കേന്ദ്രസർക്കാർ നിരോധിച്ച 1000 രൂപയുടെ 195 നോട്ടുകളുമായി തമിഴ്‌നാട് സ്വദേശിയെ പരപ്പനങ്ങാടി പോലീസ് അറസ്റ്റുചെയ്തു. തമിഴ്‌നാട് ധർമപുരി സ്വദേശി കറുംപട്ടിയിൽ കോട്ടാൽ മണിയത്ത് ഹള്ളിയിലെ തിരുജ്ഞാനമൂർത്തി(39)യെയാണ് പരപ്പനങ്ങാടി സി.ഐ. ഹണി കെ. ദാസും സംഘവും പിടികൂടിയത്.
പരപ്പനങ്ങാടി റെയിൽവേസ്റ്റേഷൻ പാർക്കിങ് ഗ്രൗണ്ടിനു സമീപത്തുനിന്നായിരുന്നു അറസ്റ്റ്. പരപ്പനങ്ങാടി മേഖലയിലെ ക്ഷേത്രത്തിലേക്കു വന്നതാണെന്നും നാസർ എന്നയാളാണ് നിരോധിത നോട്ട് നൽകിയതെന്നുമാണ് തിരുജ്ഞാനമൂർത്തി പറയുന്നത്. അറസ്റ്റിലായ ഇയാളെ പരപ്പനങ്ങാടി കോടതിയിൽ ഹാജരാക്കി റിമാൻഡ്ചെയ്തു. എസ്.ഐ. ജയരാജൻ, എസ്.ഐ. നൗഷാദ് ഇബ്രാഹിം, ജിതിൻ എന്നിവരും പോലീസ് സംഘത്തിലുണ്ടായിരുന്നു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
