കമ്മുട്ടിക്കുളത്ത് ബൈക്കും സ്കൂട്ടറും കൂട്ടിയിടിച്ച് മൂന്ന് പേർക്ക് പരിക്ക്

വളാഞ്ചേരി: സംസ്ഥാന പാത 73ലെ വളാഞ്ചേരി കമ്മൂട്ടിക്കുളത്ത് ഉണ്ടായ വാഹനാപകടത്തിൽ 3 പേർക്ക് പരിക്കേറ്റു. ഇന്ന് വൈകീട്ട് അഞ്ച് മണിയോടെയാണ് അപകടമുണ്ടായത്. വളാഞ്ചേരി ഭാഗത്തേക്ക് വരികയായിരുന്ന കെ.എൽ-55-യു-2369 നമ്പർ ഹീറോ മെയിസ്ട്രോ സ്കൂട്ടറിൽ പിറകിൽ നിന്ന് വന്ന കെ.എൽ-55-എ.ഇ-0030 നമ്പർ കെ.ടി.എം ഡ്യൂക്ക് ബൈക്ക് ഇടിച്ചായിരുന്നു അപകടം. പെട്ടെന്ന് വശത്തേക്ക് തിരിച്ച സ്കൂട്ടറിൽ ബൈക്ക് ചെന്നിടിക്കുകയായിരുന്നു. അപകടത്തിൽ പരിക്കേറ്റവരെ വളാഞ്ചേരിയിലെ സ്വകാര്യ അശുപത്രിയിൽ പ്രവേശിപ്പിച്ചു.