പി.എം.ജി.എസ്.വൈ. പദ്ധതി; കുറുമ്പത്തൂർ-ആതവനാട്-അത്താണിക്കൽ പാഴൂർ റോഡ് നവീകരണത്തിന് 2.57 കോടി

ആതവനാട്: പഞ്ചായത്തിലൂടെ കടന്നുപോകുന്ന പ്രധാന ഗ്രാമീണറോഡായ കുറുമ്പത്തൂർ-ആതവനാട്-അത്താണിക്കൽ പാഴൂർ റോഡ് നവീകരണത്തിന് 2.57 കോടി രൂപയുടെ കേന്ദ്രാനുമതി ലഭിച്ചതായി പ്രൊഫ. ആബിദ്ഹുസൈൻ തങ്ങൾ എം.എൽ.എ. അറിയിച്ചു. ഇ.ടി. മുഹമ്മദ്ബഷീർ എം.പി, പ്രൊഫ. ആബിദ് ഹുസൈൻ തങ്ങൾ എം.എൽ.എ. എന്നിവർ നൽകിയ ശുപാർശയെത്തുടർന്നാണ് റോഡ് നവീകരണം പി.എം.ജി.എസ്.വൈ. പദ്ധതിയിൽ ഉൾപ്പെടുത്തിയത്. 3.541 കിലോമീറ്റർ ദൂരം നവീകരിക്കുന്നതിനാണ് ഫണ്ട് അനുവദിച്ചത്. 3.750 മീറ്റർ വീതിയിൽ ആവശ്യമായ സ്ഥലങ്ങളിൽ കലുങ്ക് ഉൾപ്പെടെയുള്ള നവീകരണപ്രവൃത്തികളാണ് നടത്തുക. പദ്ധതി ഉടൻ ആരംഭിക്കാനാകുമെന്ന് എം.എൽ.എ. അറിയിച്ചു.