ഇരിമ്പിളിയം ഗ്രാമപ്പഞ്ചായത്ത് 2021-22 വർഷത്തെ വാർഷിക പദ്ധതിയിലുൾപ്പെടുത്തി പഠനോപകരണങ്ങൾ വിതരണം ചെയ്തു

ഇരിമ്പിളിയം: ഇരിമ്പിളിയം ഗ്രാമപ്പഞ്ചായത്ത് 2021-22 വർഷത്തെ വാർഷിക പദ്ധതിയിലുൾപ്പെടുത്തി നടപ്പാക്കുന്ന പട്ടികജാതി വിദ്യാർഥികൾക്കുള്ള പഠനോപകരണങ്ങളുടെ വിതരണോദ്ഘാടനം പ്രസിഡന്റ് കെ. മാനുപ്പ നിർവഹിച്ചു. വൈസ് പ്രസിഡന്റ് കെ.ടി. ഉമ്മുകുൽസു അധ്യക്ഷത വഹിച്ചു. സ്ഥിരം സമിതി അധ്യക്ഷൻ വി.ടി. അമീർ പദ്ധതി വിശദീകരിച്ചു. എൻ. ഖദീജ, ഫസീല, കെ. മുഹമ്മദാലി, ടി.പി. മെറിഷ്, കെ.പി. ജസീന, കെ.ടി. സൈഫുന്നീസ, പ്രഥമാധ്യാപിക യാസ്മിൻ, അൻവർ സാദത്ത് എന്നിവർ പ്രസംഗിച്ചു.