എടരിക്കോട്ട് ഓടുന്ന ലോറിയിൽ നിന്ന് ടയർ ഊരിത്തെറിച്ചു മൂന്ന് വാഹനങ്ങളിലിടിച്ചു

എടരിക്കോട്: ഓടുന്ന ലോറിയിൽ നിന്ന് ഊരിത്തെറിച്ച ടയർ മൂന്ന് വാഹനങ്ങൾക്ക് കേടുപാടുണ്ടായി. ദേശീയപാത 66ലെ എടരിക്കോട് ആയുർവേദ കോളേജ് ജംഗ്ക്ഷണിൽ ഇന്ന് ഉച്ചക്ക് രണ്ടേക്കാലോടെയാണ് സംഭവം. തൃശൂർ ഭാഗത്തു നിന്ന് പിവിസി പൈപ്പുകൾ കയറ്റി വരികയായിരുന്ന ലോറിയാണ് പിറകിലെ ടയർ ഊരിത്തെരിച്ചതിനെ തുടർന്ന് റോഡിന് നടുവിൽ കുടുങ്ങിയത്. നട്ടുകൾ നഷ്ടപ്പെട്ടതിനെ തുടർന്ന് ടയറുകളിൽ ഒന്ന് വാഹനത്തിൽ നിന്ന് വേർപ്പെട്ട് തൊട്ടരികിലൂടെ നീങ്ങുകയായിരുന്ന ഇന്നോവയിലിടിക്കുകയും തുടർന്ന് അതിവേഗം കോഴിക്കോട് റോഡിലൂടെ താഴേക്ക് സഞ്ചരിച്ച് 200 മീറ്റർ അകലെയുള്ള തുണിക്കടയിൽ പാർക്ക് ചെയ്ത് നിസാൻ മൈക്ര കാറിൽ ഇടിച്ചു നിന്നു. മൂന്ന് വാഹനങ്ങൾക്കും കേടുപാടുകൾ സംഭവിച്ചു.