ഇരിമ്പിളിയം പെരുന്നാംകുന്ന്-ചേത്തലപറമ്പ് പാത തുറന്നു

ഇരിമ്പിളിയം: ഇരിമ്പിളിയം ഗ്രാമപ്പഞ്ചായത്തിലെ പെരുന്നാംകുന്ന്-ചേത്തലപറമ്പ് പാതയുടെ ഉദ്ഘാടനം ആബിദ് ഹുസൈൻ തങ്ങൾ എം.എൽ.എ. നിർവഹിച്ചു. പ്രസിഡന്റ് കെ. മാനുപ്പ അധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പർമാരായ കെ.എം. അബ്ദുറഹ്മാൻ, പി.സി.എ. നൂർ, വാർഡ് മെമ്പർ ഫസീല, ഷെമീം, സുൽഫി, ഇ. റഫീഖ്, എം.ടി. യൂസഫലി, പി. അസ്സനലി, എൻ.കെ. ഗഫൂർ തുടങ്ങിയവർ പങ്കെടുത്തു.

എം.എൽ.എ.യുടെ പ്രത്യേക വികസനഫണ്ടിൽനിന്ന് അനുവദിച്ച രണ്ട് ലക്ഷം രൂപ ഉപയോഗിച്ചാണ് പാത കോൺക്രീറ്റ് ചെയ്ത് നവീകരിച്ചത്‌.