വളാഞ്ചേരിയിൽ പിറകിലേക്കെടുത്ത മിനി ട്രക്കിൽ സ്കൂട്ടറിച്ച് അപകടം; യാത്രക്കാരന് പരിക്ക്

വളാഞ്ചേരി: റിവേഴ്സ് ഗിയറിൽ സഞ്ചരിച്ച് വന്ന മിനി ട്രക്കിൽ സ്കൂട്ടറിടിച്ച് സ്കൂട്ടർ യാത്രക്കാരന് പരിക്ക്. ദേശീയപാത 66ലെ വളാഞ്ചേരി നഗരത്തിൽ ഇന്നുച്ചയ്ക്ക് രണ്ടരയോടെയാണ് സംഭവമുണ്ടായത്. വളാഞ്ചേരി സർവ്വീസ് സഹകരണ ബാങ്കിന് മുൻവശത്ത് വച്ച് മലബാർ ട്രേഡിങ്ങ് കമ്പനിയുടെ കെ.എൽ-07-ബി.എസ്-5650 നമ്പർ അശോക് ലൈലണ്ട് ദോസ്ത് മിനി ട്രക്ക് പിറകിലേക്ക് ഓടിച്ച് കൊണ്ടുവരവെയാണ് വളാഞ്ചേരി ഭാഗത്തേക്ക് വരികയായിരുന്ന കെ.എൽ-55-എസി-1221 നമ്പർ സുസുക്കി ആക്സസ് സ്കൂട്ടർ വന്നിടിച്ചത്. ഇടിയുടെ ആഘാതത്തിൽ സ്കൂട്ടറിൻ്റെ മുൻവശം പാടെ തകർന്നു. സ്കൂട്ടർ ഓടിച്ചിരുന്ന യുവാവ് നിസാര പരിക്കുകളോടെ രക്ഷപ്പെട്ടു.