എടയൂർ കുറ്റിക്കുന്ന് പാടശേഖരത്തിലേക്ക് വെള്ളം എത്തിക്കുന്നതിന് തടയണ നിർമിച്ച് തൊഴിലുറപ്പു തൊഴിലാളികൾ

എടയൂർ: ജലസേചനത്തിന് സൗകര്യമൊരുക്കാൻ തടയണനിർമിച്ച് തൊഴിലുറപ്പു തൊഴിലാളികൾ. എടയൂർ ഗ്രാമപ്പഞ്ചായത്തിലെ പൂക്കാട്ടിരി കുറ്റിക്കുന്ന് പാടശേഖരത്തിലേക്ക് വെള്ളം എത്തിക്കാനാണ് എട്ടാംവാർഡിലെ തൊഴിലുറപ്പുകാർ വൈസ് പ്രസിഡന്റ് കെ.പി. വേലായുധന്റെ നേതൃത്വത്തിൽ തടയണ കെട്ടിയത്. ഈ പാടശേഖരത്തിലേക്ക് ആവശ്യമായ വെള്ളം തോട്ടിൽനിന്നും ലഭിക്കുമെന്നിരിക്കെ തടയണയില്ലാത്തതിനാൽ വെള്ളം പാഴായിപ്പോകുകയായിരുന്നു. തങ്കമണി, പദ്മനാഭൻ, അമ്മുണ്ണി, ശാരദ, ശ്രീധരൻ, ദാക്ഷായണി തുടങ്ങിയവർ നേതൃത്വംനൽകി.