സ്ഥാപകദിനാചരണത്തിൻ്റെ ഭാഗമായി “കരുതൽ” കൂട്ടായ്മക്ക് ഉച്ച ഭക്ഷണ വിതരണത്തിനുള്ള തുക കൈമാറി

വളാഞ്ചേരി:ലെൻസ്ഫെഡ് സ്ഥാപകദിനാചരണത്തിൻ്റെ ഭാഗമായി വളാഞ്ചേരി ടൗണിൽ സൗജന്യ ഉച്ചഭക്ഷണം നൽകുന്ന “കരുതൽ” സംഘടനക്ക് ലൈസൻസ്ഡ് എഞ്ചിനീയേഴ്സ് & സൂപ്പർവൈസേഴ്സ് ഫെഡറേഷൻ (ലെൻസ്ഫെഡ്) പത്ത് ദിവസത്തേക്ക് ആവശ്യമായ ഉച്ചഭക്ഷണത്തിനുള്ള തുക കൈമാറി. “കരുതൽ” ഭാരവാഹികളായ ഷാജി സൽവാസ്, നിസാം വി.കെ, ഹാരിഫ് എന്നിവർ ലെൻസ്ഫെഡ് വളാഞ്ചേരി ഏരിയ പ്രസിഡണ്ട് പി.എം.ശ്രീജിത്തിൽ നിന്നും തുക ഏറ്റുവാങ്ങി. ലെൻസ്ഫെഡ് സംസ്ഥാന സമിതിയംഗം ബാബു എടയൂർ, ജില്ലാ കമ്മറ്റിയംഗം ഹൈദർ.പി, ഏരിയ സെക്രട്ടറി സോമസുന്ദരൻ പി.പി, ഹമീദ് വി.പി, ഇർഫാൻ എ തുടങ്ങിയവർ പങ്കെടുത്തു.