എസ് കെ എസ് എസ് എഫ് വളാഞ്ചേരി മേഖല ട്രെന്റ് സമിതിയുടെ ആഭിമുഖ്യത്തിൽ പത്താം ക്ലാസ് വിദ്യാർത്ഥികൾക്കായി കോച്ചിംഗ് ക്യാമ്പ് സംഘടിപ്പിച്ചു

എടയൂർ : എസ് കെ എസ് എസ് എഫ് വളാഞ്ചേരി മേഖല ട്രെൻഡ് സമിതിയുടെ കീഴിൽ ഈ വർഷം എസ് എസ് എൽ സി പരീക്ഷ എഴുതുന്ന വിദ്യാർഥികൾക്കായി എപ്ലസ് മിഷൻ എന്ന പേരിൽ കോച്ചിംഗ് ക്യാമ്പ് സംഘടിപ്പിച്ചു. മണ്ണത്ത് പറമ്പ് ടി ഐ എച്ച് എസ് എം, ശംസുൽ ഉലമ സൗധം മദ്രസയിൽ വെച്ച് ഇംഗ്ലീഷ്, കെമിസ്ട്രി എന്നീ വിഷയത്തിൽ പ്രധാന ഭാഗങ്ങൾ കേന്ദ്രീകരിച്ച് ക്ലാസുകൾ നടന്നു. ഉദ്ഘാടനം വളാഞ്ചേരി മേഖല ട്രെൻഡ് സെക്രട്ടറി നൗഫൽ പൂക്കാട്ടിരി നിർവഹിച്ചു, മണ്ണത്ത് പറമ്പ് വൈസ് പ്രസിഡന്റ്‌ നൂറുദ്ധീൻ പി, ട്രെൻഡ് സെക്രട്ടറി ശഹീം പി, സുഹൈർ എം, ഉവൈസ് എം, ഹാരിസ് വി കെ സംസാരിച്ചു.