പാണ്ടികശാല ചോലവളവിൽ അപകടം; പിക്കപ്പ് വാൻ നിയന്ത്രണം വിട്ട് മറിഞ്ഞു

കുറ്റിപ്പുറം: ദേശീയപാത 66ലെ കുറ്റിപ്പുറം ചോലവളവിൽ പിക്കപ്പ് വാൻ നിയന്ത്രണം വിട്ട് മറിഞ്ഞു. ശനിയാഴ്ച രാത്രി 12 മണിയോടെയാണ് അപകടമുണ്ടായത്. പെരുമ്പാവൂരിൽ നിന്ന് വളാഞ്ചേരി കാവുംപുറത്തേക്ക് ടെലികോം കമ്പനിയുടെ സാധനസാമഗ്രഹികൾ കയറ്റി വന്ന കെ.എൽ25-എ-3714 നമ്പർ മഹീന്ദ്ര ബൊലേറോ പിക്കപ് വാനാണ് അപകടത്തിൽപെട്ടത്. വാഹനത്തിൽ ഉണ്ടായിരുന്ന രണ്ട് പേരും പരിക്കുകളില്ലാതെ രക്ഷപ്പെട്ടു. കുറ്റിപ്പുറം പോലീസും ഹൈവേ പോലീസും സ്ഥലത്തെത്തിൽ മേൽ നടപടികൾ സ്വീകരിച്ചു.