യൂണിയൻ തിരഞ്ഞെടുപ്പ്; വളാഞ്ചേരി മേഖലയിലെ കോളേജുകളിൽ എം.എസ്.എഫ്.-കെ.എസ്.യു. സഖ്യത്തിന് ജയം

വളാഞ്ചേരി : മേഖലയിലെ കോളേജുകളിൽ നടന്ന യൂണിയൻ തിരഞ്ഞെടുപ്പിൽ എം.എസ്.എഫ്., കെ.എസ്.യു. സഖ്യത്തിന് വിജയം. വളാഞ്ചേരി എം.ഇ.എസ്.കെ.വി.എം. കോളേജ്, പുറമണ്ണൂർ മജിലിസ് കോളേജ്, പൂക്കാട്ടരി സഫ കോളേജ്, മരവട്ടം ഗ്രേസ്‌വാലി കോളേജ് എന്നിവിടങ്ങളിലാണ് സഖ്യം വിജയിച്ചത്.

എം.ഇ.എസ്.കെ.വി.എം. കോളേജിൽ ആകെയുള്ള 81 സീറ്റിൽ 49 സീറ്റും നേടി നാലാംതവണയാണ് സഖ്യം വിജയിച്ചത്. സഫ കോളേജിൽ 59-ൽ 50 സീറ്റും സഖ്യം നേടി. പുറമണ്ണൂർ മജ്‌ലിസിൽ 118-ൽ 113 സീറ്റും സഖ്യം കരസ്ഥമാക്കി. മരവട്ടം ഗ്രേസ് വാലിയിൽ 55-ൽ 48 സീറ്റ്‌ സഖ്യത്തിനാണ്.