വെട്ടിച്ചിറയിൽ ടയർ പൊട്ടിയതിനെ തുടർന്ന് പാർസൽ വാൻ മറിഞ്ഞ് ഡ്രൈവർക്ക് പരിക്ക്

ആതവനാട്: വെട്ടിച്ചിറയിൽ പാർസൽ വാൻ മറിഞ്ഞുണ്ടായ അപകടത്തിൽ ഒരാൾക്ക് പരിക്ക്. ദേശീയപാത 66ലെ വെട്ടിച്ചിറ ചുങ്കത്താണ് അപകടമുണ്ടായത്. ഇന്ന് രാവിലെ എട്ടരയോടെയാണ് സംഭവം. അപകടത്തിൽ വാഹനത്തിൻ്റെ ഡ്രൈവവർ തൃശൂർ സ്വദേശി റോയിക്ക് പരിക്കേറ്റു. ഇദ്ദേഹത്തെ വെട്ടിച്ചിറയിലെ സ്വകാര്യ അശുപത്രിയിൽ പ്രവേശിപ്പിച്ചു. തൃശൂരിലെ ഗോഡൗണിൽ നിന്നും മൾടിവുഡുമായി കോഴിക്കോടെ വിതരണ കേന്ദ്രങ്ങളിലേക്കുള്ള യാത്രയിലായിരുന്ന കെ.എൽ-48-എൻ-9899 നമ്പർ മഹീന്ദ്ര പാർസൽ വാഹനമാണ് അപകടത്തില്പെട്ടത്. ചുങ്കത്തിനു സമീപം വാഹനത്തിൻ്റെ പിറകിലെ ടയർ പൊടിയതിനെ തുടർന്ന് നിയന്ത്രണം വിടുകയും റോഡിൽ കുറുകെ മറിയുകയുമായിരുന്നു.