വളാഞ്ചേരി വട്ടപ്പാറയിൽ ചരക്ക് ലോറി നിയന്ത്രണം വിട്ടു മറിഞ്ഞു; ആളപായമില്ല

വളാഞ്ചേരി: ദേശീയപാത 66ലെ സ്ഥിരം അപകടമേഖലയായ വളാഞ്ചേരി വട്ടപ്പാറയിൽ വീണ്ടും വാഹനാപകടം. വട്ടപ്പാറയിലെ പ്രധാന വളവിലാണ് നിയന്ത്രണം വിട്ട ചരക്ക്‌ലോറി മറിഞ്ഞത്. ബുധനാഴ്ച രാത്രി പതിനൊന്നരയോടെയാണ് സംഭവം. അഹമ്മദാബാദിൽ നിന്നും എറണാകുളത്തേക്ക് റബ്ബറുമായി പോകുന്ന കെഎ-63-5724 നമ്പർ ലോറിയാണ് അപകടത്തിൽപ്പെട്ടത്. വളാഞ്ചേരി പോലീസും നാട്ടുകാരും രക്ഷാപ്രവർത്തനത്തിന് നേതൃത്വം നൽകുന്നു. അപകടത്തിൽ ലോറിയിലുണ്ടായിരുന്നവർക്ക് കാര്യമായ പരിക്കില്ലെന്നാണ് ലഭിക്കുന്ന പ്രാഥമിക വിവരം.