ദേശീയപാതയിലെ വട്ടപ്പാറ വളവിൽ ലോറിയിൽ നിന്ന് റോഡ്റോളർ താഴെ വീണ് മൂന്നു പേർക്ക് പരിക്ക്
വളാഞ്ചേരി : ലോറിയിൽ കൊണ്ടുപോകുകയായിരുന്ന റോഡ്റോളർ താഴെവീണ് മൂന്നുപേർക്ക് പരിക്ക്. ബിഹാർ സ്വദേശികളായ റാം സ്വരൂപ് സദ് (30), ഷേക്ക് സഫീറുൽ (30), നിഖിൽകുമാർ (30) എന്നിവർക്കാണ് പരിക്കേറ്റത്. ഇവരെ വളാഞ്ചേരി നടക്കാവിൽ ആശുപത്രിയിൽ പ്രവേശിപ്പിച്ചു. ആരുടേയും പരിക്ക് ഗുരുതരമല്ല.
ദേശീയപാതയിൽ ചൊവ്വാഴ്‌ച വൈകീട്ടാണ് സംഭവം. ദേശീയപാത നിർമാണം നടത്തുന്ന കെ.എൻ.ആർ. കൺസ്ട്രക്‌ഷൻ ലിമിറ്റഡിന്റെ വാഹനമാണ് അപകടത്തിൽപ്പെട്ടത്. ലോറി വട്ടപ്പാറ മുടിപ്പിൻവളവിൽ നിയന്ത്രണംവിട്ട് മറിയുന്നതിനിടെ റോഡ്റോളർ താഴേക്കു വീഴുകയായിരുന്നു. ലോറിയുടെ മുകളിൽനിന്നിരുന്ന തൊഴിലാളികൾ താഴേക്കു ചാടി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
