വൈക്കത്തൂർ മഹാദേവ ക്ഷേത്രം ഓഫീസ് കമ്പ്യൂട്ടർവൽക്കരിച്ചു

വളാഞ്ചേരി: വൈക്കത്തൂർ ശ്രീ മഹാദേവ ക്ഷേത്രത്തിന്റെ ഓഫീസ് കമ്പ്യുട്ടർ വൽക്കരിക്കുന്നതിന്റെ ഉദ്ഘാടനം മലബാർ ദേവസ്വം ബോർഡ് മലപ്പുറം ഡിവിഷൻ അസി.കമ്മീഷണർ ടി.സി ബിജു നിർവഹിച്ചു. പ്രസ്തുത ചടങ്ങിൽ ക്ഷേത്രം എക്സിക്യൂട്ടീവ് ഓഫീസർ കെ. വി. നാരായണൻ, പാരമ്പര്യ ട്രസ്റ്റി വാസുദേവൻ മുഴുവഞ്ചേരി, ഉത്സവ കമ്മിറ്റി പ്രസിഡന്റ് മുരളി എൻ, സെക്രട്ടറി ജിതു ഗോപിനാഥ്, നവീകരണ കമ്മിറ്റി പ്രസിഡന്റ് ചാച്ചു പൊറ്റമ്മൽ, ആർ ബാലകൃഷ്ണൻ, സുകുമാരൻ, സുധാകരൻ കെ.പി, ചെമ്പലാടൻ ബാലകൃഷ്ണൻ, പുണ്യം സോഫ്റ്റ്‌വെയർ ഹരി നാരായണൻ ടി.ആർ, പ്രിയേഷ് എന്നിവർ സന്നിഹിതരായി. ക്ഷേത്രത്തിലേക്കുള്ള കമ്പ്യൂട്ടർ, പ്രിന്റർ എന്നിവ ചാർട്ടേർഡ് അക്കൗണ്ടന്റായ ആർ ബാലകൃഷ്ണനാണ് സമർപ്പിച്ചത്.