കുറ്റിപ്പുറം താലൂക്ക് ആശുപത്രിയിൽ ഐ.സി.യു. സ്ഥാപിച്ചതിൽ അഴിമതി-ബി.ജെ.പി

കുറ്റിപ്പുറം : താലൂക്ക് ആശുപത്രിയിൽ ഐ.സി.യു. സ്ഥാപിച്ചതിൽ വൻ അഴിമതി നടന്നിട്ടുണ്ടെന്ന് ബി.ജെ.പി. സംസ്ഥാന എക്സിക്യുട്ടീവ് മെമ്പർ കെ.കെ. സുരേന്ദ്രൻ ആരോപിച്ചു. ഐ.സി.യു. സന്ദർശിച്ചതിനുശേഷം സംസാരിക്കുകയായിരുന്നു അദ്ദേഹം. അഴിമതിയെക്കുറിച്ച് വിജിലൻസ് അന്വേഷണം നടത്തണമെന്നും, ഐ.സി.യു. ഉദ്ഘാടനം കഴിഞ്ഞിട്ടും ഡോക്ടർമാരെയോ മറ്റു സ്റ്റാഫിനെയോ നിയമിക്കാത്തത് വിരോധാഭാസമാണെന്നും അദ്ദേഹം പറഞ്ഞു. മണ്ഡലം പ്രസിഡന്റ് കെ. ടി. അനിൽകുമാർ, കെ.വി. ശ്രീശൻ, പി. സുരേഷ്, വാസു കോട്ടപ്പുറം, പി. പ്രബീഷ് തുടങ്ങിയവരും ഒപ്പമുണ്ടായിരുന്നു.