ആമപ്പാറയിൽ സ്വകാര്യ ബസ്സും ബൈക്കും കൂട്ടിയിടിച്ച് ഒരാൾ മരിച്ചു
കോട്ടയ്ക്കല്‍: ബൈക്കും സ്വകാര്യബസും കൂട്ടിയിടിച്ച് ബൈക്ക് യാത്രികന്‍ മരിച്ചു. പറപ്പൂര്‍ കേക്കുണ്ട് ഓലപ്പുലാന്‍ കുഞ്ഞാലന്റെ മകന്‍ മുഹമ്മദ് റാഫി(25)യാണ് മരിച്ചത്. ആമപ്പാറ ബസ്റ്റോപ്പിനടുത്തുവെച്ച് ഇന്ന് രാവിലെ എട്ടിനായിരുന്നു അപകടം. കോട്ടയ്ക്കല്‍ കാടാമ്പുഴ വട്ടപ്പറമ്പ് വഴി ഓടുന്ന വടക്കന്‍ എന്ന സ്വകാര്യ ബസാണ് കോട്ടക്കലിലേക്ക് വരുന്ന വഴി ആമപ്പാറ ബസ്റ്റോപ്പിനടുത്തുവെച്ച് എതിരെ വന്ന ബൈക്കുമായി കൂട്ടിയിടിച്ചത്. മരണപ്പെട്ട മുഹമ്മദ്‌റാഫി ഇതേ റൂട്ടിലോടുന്ന ടി.പി.ട്രാവല്‍സ് ബസിലെ കണ്ടക്ടറാണ്. മരണവാര്‍ത്ത ബസ്സ്ജീവനക്കാരെ ഒന്നടങ്കം സങ്കടത്തിലാഴ്ത്തി. മൃതദേഹം ഇന്ന് പറപ്പൂര്‍ വീണാലുക്കല്‍ ജുമാമസ്ജിദ് ഖബര്‍സ്ഥാനില്‍ മറവ് ചെയ്യും. മാതാവ്: സഫിയ. സഹോദരങ്ങള്‍: ഖൈറുന്നീസ, സൈഫുന്നീസ, നജ്മുന്നീസ, നൗഷാദ്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
