മാറാക്കര ഉരുളിയൻകുന്ന്-മാണിയംകുന്ന് റോഡ് തുറന്നു

മാറാക്കര: മാറാക്കര ഗ്രാമപ്പഞ്ചായത്ത് 15-ാം വാർഡിലെ ഉരുളിയൻകുന്ന്-മാണിയംകുന്ന് റോഡ് ആബിദ് ഹുസൈൻ തങ്ങൾ എം.എൽ.എ. ഉദ്ഘാടനം ചെയ്തു. ഗ്രാമപ്പഞ്ചായത്ത് പ്രസിഡന്റ് സജിത നന്നേങ്ങാടൻ അധ്യക്ഷത വഹിച്ചു. വൈസ് പ്രസിഡന്റ് ഒ.പി. കുഞ്ഞിമുഹമ്മദ്, വി. മധുസൂദനൻ, മുസ്തഫ ഹാജി അയിനിക്കുന്നൻ, അവറാൻകുട്ടി കുമ്മറമ്മൻ, പി.പി. മുഹമ്മദ്, പി.പി. മൊയ്തീൻ, മമ്മദു കാനാഞ്ചേരി, മാനു ചെരട, ജുനൈദ് പാമ്പലത്ത് തുടങ്ങിയവർ പ്രസംഗിച്ചു. എം.എൽ.എ.യുടെ വികസന ഫണ്ടിൽനിന്ന് 4.90 ലക്ഷം രൂപ വിനിയോഗിച്ചാണ് റോഡ് കോൺക്രീറ്റ് ചെയ്തത്.