കുറ്റിപ്പുറം മൂടാലിൽ വിദേശമദ്യവും ചാരായവുമായി ഒരാൾ പിടിയിൽ
കുറ്റിപ്പുറം: ഇരിചക്രവാഹനത്തിൽ വിദേശമദ്യവും ചാരായവുമായി വരുന്നതിനിടെ ഒരാൾ കുറ്റിപ്പുറം പോലീസിൻ്റെ പിടിയിലായി. വളാഞ്ചേരി പൈങ്കണ്ണൂർ അരക്കുമ്പള്ളിയാലിൽ വീട്ടിൽ മധു(52)വിനെയാണ് സി.ഐ. പത്മകുമാറിന്റെ നേതൃത്വത്തിലുള്ള സംഘം അറസ്റ്റുചെയ്തത്. ബൈക്കിൽ 27 ലിറ്റർ വിദേശമദ്യവും ഒന്നരലിറ്റർ ചാരായവുമായി വരുന്നതിനിടെ മൂടാലിൽ വെച്ചാണ് മധുവിനെ പോലീസ് പിടികൂടിയത്. സമാനമായ കേസിൽ ഇയാളെ മുൻപും പോലീസ് പിടികൂടിയിട്ടുണ്ട്. തിരൂർ കോടതിയിൽ ഹാജരാക്കിയ പ്രതിയെ റിമാൻഡ്‌ ചെയ്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
