വൈദ്യുതി നിരക്കുവർധന: എൻ.ഡി.എ. കുറ്റിപ്പുറം മണ്ഡലം കമ്മിറ്റി വളാഞ്ചേരി കെ.എസ്.ഇ.ബി. ഓഫീസിലേക്ക് മാർച്ച് നടത്തി

വളാഞ്ചേരി : വൈദ്യുതി നിരക്കുവർധനയിൽ പ്രതിഷേധിച്ച് എൻ.ഡി.എ. കുറ്റിപ്പുറം മണ്ഡലം കമ്മിറ്റി വളാഞ്ചേരി കെ.എസ്.ഇ.ബി. ഓഫീസിലേക്ക് മാർച്ച് നടത്തി. ബി.ജെ.പി. സംസ്ഥാന എക്‌സിക്യുട്ടീവ് അംഗം കെ.കെ. സുരേന്ദ്രൻ ഉദ്ഘാടനംചെയ്തു. കെ.ടി. അനിൽകുമാർ അധ്യക്ഷതവഹിച്ചു. ബി.ഡി.ജെ.എസ്. മണ്ഡലം പ്രസിഡന്റ് എ.പി. ശ്രീധരൻ, സുരേഷ് പാറത്തൊടി, ഷിബു കാവുംപുറം, ഹരിദാസ് പൈങ്കണ്ണൂർ, പി.പി. സുരേഷ്, ഉണ്ണി വൈക്കത്തൂർ, കെ.പി. രവിചന്ദ്രൻ, കെ.പി. അയ്യപ്പൻ, കെ. കൃഷ്ണകുമാർ എന്നിവർ പ്രസംഗിച്ചു.