കുറ്റിപ്പുറം പാണ്ടികശാല ചോലവളവിനു സമീപം ചരക്കു ലോറി മറിഞ്ഞു
കുറ്റിപ്പുറം : ദേശീയപാത 66-ൽ പാണ്ടികശാല ചോലവളവിനു സമീപം ചരക്കു ലോറി മറിഞ്ഞു. വ്യാഴാഴ്ച രാവിലെയാണ് അപകടം. മഹാരാഷ്ട്രയിൽ നിന്നും പെരുമ്പാവൂരിലേക്ക് ഉള്ളിയുമായി വരുകയായിരുന്ന ലോറിയാണ് അപകടത്തിൽപ്പെട്ടത്. സർവീസ് റോഡിലെ ചെങ്കുത്തായ കയറ്റത്തിൽവെച്ച് ലോറി പിറകോട്ടു നീങ്ങുകയും റോഡിനു കുറുകെ മറിയുകയുമായിരുന്നു. ആർക്കും പരിക്കില്ല. ദേശീയപാതയിൽ ഒന്നരമണിക്കൂറോളം ഗതാഗതം തടസ്സപ്പെട്ടു. ചരക്ക് മറ്റൊരു ലോറിയിലേക്ക് മാറ്റിക്കയറ്റിയതിനു ശേഷം മറിഞ്ഞ ലോറി ക്രെയിൻ ഉപയോഗിച്ച് നിവർത്തി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
