വളാഞ്ചേരി കാർത്തല സബ് സെന്ററിന്റെ ശിലാസ്ഥാപനം നടന്നു

വളാഞ്ചേരി:-നഗരസഭയുടെ 2023-24 വാർഷിക പദ്ധതിയിൽ ഉൾപെടുത്തി നിർമ്മാണo നടത്തുന്ന കാർത്തല സബ് സെന്ററിന്റെ ശിലാസ്ഥാപനം നടന്നു. പരിപാടി നഗരസഭ ചെയർമാൻ അഷ്റഫ് അമ്പലത്തിങ്ങൽ ഉദ്ഘാടനം നിർവഹിച്ചു. നഗരസഭയുടെ തനതുഫണ്ടിൽ നിന്നും 65 ലക്ഷം രൂപ ചെലവഴിച്ച് 7.45 സെന്റ് സ്ഥലത്താണ് കെട്ടിടം നിർമ്മാണം നടത്തുന്നത്. ആരോഗ്യ സ്റ്റാന്റിംഗ് കമ്മിറ്റി ചെയർമാൻ ഇബ്രാഹിം മാരാത്ത് അദ്ധ്യക്ഷത വഹിച്ച പരിപാടിയിൽ വികസനകാര്യ സ്റ്റാന്റിംഗ് കമ്മിറ്റി ചെയർമാൻ സി.എം റിയാസ്, കൗൺസിലർ ഇ.പി അച്ചുതൻ, മെഡിക്കൽ ഓഫീസർ നീമ, പവിത്രൻ മാഷ്, ആരോഗ്യ വിഭാഗം ജീവനക്കാരായ പി.ആർ.ഒ സുരേഷ്, ജെ.എച്ച്.ഐ ബീരാൻകുട്ടി, ജെ.പി.എച്ച്.എൻ സിമി, ഷാഫി മാസ്റ്റർ, പ്രമോദ് തുടങ്ങിയവർ സംസാരിച്ചു.